開始踏入懷孕後期，身體嘅負擔慢慢黎料。
瞓覺果時只有打側瞓先舒服，仰臥嘅話會有少少呼吸困難；坐嘅時候最好背脊有個咕𠱸挨住，如果唔係坐得耐條腰會好攰。不過好好彩，我到而家都未試過瞓覺小腿抽筋，都未見有水腫，暫時仲未有妊娠紋😌而且對比起懷孕初期嘅不適，而家呢啲算好濕碎。
岩岩有左第2到第3個月果陣，真係作嘔到自己都覺得煩。明明肚餓，但好多野都唔想食，因為一聞到食物嘅味道就反胃。就算咁岩想食都無胃口，食左幾啖就會想嘔，如是者持續左個幾月，成功瘦左2kg，從來都唔覺得原來減肥係咁容易。唔單止係咁，連坐車都寧舍容易暈車浪，總之就隨時隨地都想嘔😷
同埋原來大肚係會連體質都變埋，以前我手臂有啲粒粒，係「鞋恰恰」揸咩都唔會好果種。點知一大肚佢就消失左，成世人對手臂都未試過咁滑，真係好鬼驚喜❤️
諗番由羊羊喺個肚到完全無存在感，到而家喺入面日踢夜踢(btw唔好再踢我肚臍，個感覺真係好怪)真係好神奇，佢喺我身體入面不斷成長緊👶🏻好想快啲可以見到你啊😘 #羊羊的成長日記
💟20170119
Search